كود – وكالات //
كشف الممثل الأمريكي “وينتورث ميلر” أنه عرف إصابتو بمرض التوحد العام اللي فات، واعتبر هادشي بمثابة “هدية”.
وزاد بطل مسلسل “Prison Break” أن التشخيص كان بالنسبة ليه صدمة، لكن هادشي ماشي شي مفاجأة نيت، حيت كان التشخيص عملية طويلة حتى تأكدات فالأخير الإصابة.
وكشف ميلر (49 عام)، على هاد الجديد فحسابو على “أنستكَرام”، وقال: “بحال كلشي، تضررت فـ فترة الحجر المنزلي، ولكن فوقت الهدوء والعزلة لقيت هدايا ماتوقعتهومش”.
ووضح علاش وصف هذ المرض بالهدية، حيت قال أنه قدر، رغم سنوات عمرو، من تشخيص المرض أخيرا، ووضح أن بزاف ماعندهومش هاد الحظ كامل.
وزاد: “هذ الخريف كايمثل ذكرى مرور عام على تشخيصي للإصابة بمرض التوحد، واللي كنت عارف أنني مصاب بيه بلا مانتأكد طبيا، ورغم أن الأمر كان صدمة لكنه ماشي مفاجأة”.
وزاد: “ماكنتش مستعد باش نهضر على هادشي قدام العالم، أو نكون ممثل للمرضى عالميا، أو نسيء لشي واحد، بغيت غير نقول للناس أنني مصاب وصافي”.
وشكر “ميلر” الناس اللي عاونوه باش ياخذ مساحة خاصة فـ السنوات اللي فاتو، وتفهمو صراعو مع المرض والإكتئاب.
