كود- و.م.ع//

اجتمعو بزاف ديال الحاخامات المغاربة فالمكسيك باش يدعيو بالشفا للملك محمد السادس، من مور العملية الناجحة اللي دار على القلب.

الحخامات، فلقاءهم الديني ولبارح السبت، تدرعو لله باش يحفظ سيدنا لشعبو ولأسرتو الملكية من كل مكروه، وينعم عليه بالصحة والعافية وطول العمر والنصر، كيف عبرو على مشاعر الإخلاص والوفاء اللي كيكنوها ليه، وامتنانهم للعناية الكبيرة اللي كتحظى بيعا الطائفة اليهودية من طرفو.

وبهذ المناسبة، قال عبد الفتاح اللبار، سفير المغرب فالمكسيك، أن أعضاء البعثة متجندين باش يقدمو كَاع المساعدات لأفراد الجالية اليهودية، باش يواجهو فيروس كورونا المستجد، كيف قال أن السفارة كتدعم مجهودات اليهود المغاربة من أجل الدفاع على القضايا العادلة دالبلاد.