يونس أفطيط – كود///

وثائقي جديد للصحفية الكندية « لورين سوثيرن »، سميتو «Borderless»، دارتو هاد المرة ما بين المغرب وإسبانيا، وكيستهدف المهاجرين السريين والمافيات اللي كتهزهم من المغرب إلى إسبانيا عبر قوارب للهجرة السرية، وأن كل قارب كيعطيهم مبالغ كتوصل ل130000 ألف أورو، مشيرة أن كل قارب كيهز خمسين واحد، وكيخرجو عشرة قوارب يوميا، ما يعني مليار و300 مليون يوميا كتدخل عليهم.

الوثائقي كيقول فيه شي واحد من العاملين فشبكة تهريب، أنه عندهوم واحد هو اللي كيشري ليهم الطريق باش تميك عليهم السلطات وميشدوهومش، هاد الوثائقي طبعا غاينوض الروينة فإسبانيا اللي كتطالب المغرب يوقف الهجرة السرية، ودابا كاين شهادات فهاد الوثائقي حسب مصادر إسبانيا تدين السلطات المغربية.