عفراء علوي محمدي- كود//

بعدما تلقات وزارة التربية الوطنية والتكوين المهني والتعليم العالي والبحث العلمي تساؤلات كثيرة على مصير المدارس الخصوصية فهاد السنة الدراسية فزمن فيروس كورونا المستجد، وضح الوزير سعيد أمزازي أنه تقرر إدراج مدارس البريفي فلاليست ديال القطاعات المتعلقة بالتربية والتكوين اللي ملزمة تواصل نشاطها، بحال المدارس العمومية.

وقال أمزازي، فتدوينة على “فيسبوك”، فالساعات الأولى من صباح اليوم السبت، أن هذ القرار كيجي اعتبارا للدور اللي كتقوم بيه مدارس البريفي فضمان استمرارية البيداغوجية للتلاميذ عن طريق “التعليم عن بعد”، ومن خلال الواجبات اللي كتكلفهم بيها وتحضيرهم القبلي للامتحانات.

ووضح امزازي أن المرسوم 2.20.331 اللي صادقات عليه الحكومة بتاريخ 17 أبريل 2020، كيلزم السلطات الحكومية تضيف فالقائمة كَاع المقاولات اللي كاتشوف أنه من الضروري تواصل نشاطها فهاد الفترة الوبائية.