عفراء علوي محمدي- كود//

تقاس المفكر المغرب، محمد سبيلا، بفيروس كورونا المستجد، وهو دابا ناعس فسبيطار الشيخ زايد فالرباط بعدما تدهورات الحالة ديالو الصحية.

وحسب بلاغ لاتحاد كتاب المغرب، فسبيلا تقاس بالفيروس هذي شي 10 أيام، وكان متبع التريتمون فالدار ديالو، حتى تزاد عليه الحال هذي 4 أيام، الشي اللي خلا الأسرة ديالو تسيفطو لسبيطار الشيخ زايد.

وحاولات “كود” تتواصل مع سبيلا، لكن تيليفونو كيصوني بلا جواب.