كود كازا ////
البارح نشرات “كود” خبار فيها ان عبد اللطيف الحموشي المدير العام للمديرية العامة للامن الوطني طير رئيس المصلحة الولائية للاستعلامات في العيون بالاضافة الى جوج من معاونيه. حسب معطيات حصلات عليها “كود” فان السبب يعود الى امور عندها علاقة بالفساد. مصدر “كود” قال ان المدير العام غير وصلو ملف فيه تورط هاد المسؤول فالفساد وهو ياخد القرار قبل ما يحيلو مع هادوك الجوج على التحقيق فورا.
ووفق معطيات وصلات ل”كود” فهاد الشي جا بعد شكايات من صحاب الفنادق كيتاهمو المسؤول باللي كياكل ويشرب عندهم فابور وباللي كيجيب حتى معارفو باش ياكلو ويشربو حتى هما.
