26/04/2024 18:45
شوهة وضربة لميناء المتوسط. الخزيرات شدات 25 طن دلحشيش ودازت من الديوانا. واش كاين شي كومليس ولا ثغرة خاصو يطيرو فيها ريوس
كود الرباط//
وكالات الأسفار طالبو مجددا بفتح الحدود، وذلك خلال وقفة احتجاجية قدام مقر وزارة السياحة بالرباط، صباح اليوم الأربعاء.
عدد من الباطرونات ديال وكالات الاسفار لي هضرو مع “كود”، فقدو الأمل من الدعم المالي للقطاع، وطالبو فقط بفتح الحدود وهوما قادين بشغلهم.
وانتفض المئات من وكالات الاسفار ضد قرارات وزيرة السياحة التي استثنت وكالات الأسفار من الاعفاءات الضريبية والاجراءات التي دارتها الابناك معهم فعز الجايحة وخلاوهم متبوعين بالكريدي.
وقال عدد من الوكلاء في تصريحات متفرقة لـ”كود” :”كيفاش نؤديو الضرائب وحنا مخدامينش”. مشددين بلي الابناك زادت غرقاتهم بالديون في فترة الجائحة.
وينتقد وكلاء الأسفار مخطط دعم القطاع السياحي، معتبرين أنه لا يرقى إلى مطالبهم، ومشيرين إلى استثنائهم من الدعم الأساسي.
الوقفة اليوم هي الثانية، نتيجة تجاهل الوزارة لمطالب وكلاء الاسفار خصوصا بعدما عطات الوزارة الدعم فقط للقطاع الفندقي، ولكن الأهم بالنسبة ليهم هو فتح الحدود ماشي الدعم.
مشكل ثاني هو القروض البنكية، بحيث كيطالبو الوكالات بتأجيل تأدية القروض. هاد المشكل ملقاتش ليه وزارة المالية الحل. هادشي شرد الآلاف من الأسر فقطاع السياحة.
وزيرة المالية لبارح فالبرلمان قالت بلي كاين مشكل مع الابناك، وخاص الابناك تعاون ينقذو هاد القطاع، اضافة إلى أن القطاع غير المهيكل هو لي كيشغل فرص كثيرة تقريبا اكثر 500 ألف منصب شغل مباشر، هادو مامديكلارينش فالضمان الاجتماعي.
