كود- وكالات//
تصاب وزير الصحة الإسرائيلي يعقوب ليتسمان، بفيروس “كورونا” المستجد، وتم الإعلان على الإصابة ديالو اليوم.
وهذشي خلا السلطات الإسرائيلية تقرر إدخال رئيس الوزراء الإسرائيلي بنيامين نتنياهو للحجر الصحي، وتعاود تفحصو من جديد، بعدما كان دار اجتماع مع وزير الصحة، وغادي يكمل المهام ديالو من الحجر.
وماشي غير نتنياهو اللي دخل للحجر، كذلك بزاف ديال الشخصيات والمسؤولين فمجال الصحة، من ضمنهم مدير العام لوزارة الصحة موشيه بار سيمانتوف، والبروفيسورة سيجال صدتسكي، رئيسة خدمات صحة الجمهور، وبجوجهم غايكملو خدمتهم من الدار.
وذكرات هيئة البث الإسرائيلي، بللي كاين احتمال يدخل حتى رئيس جهاز الموساد يوسي كوهين للعزل الصحي، وكتنتظر وزارة الصحة انتهاء الفحص اللب تدار ليه هو ولنتانياهو ورئيس مجلس الأمن القومي.
