اللقاء الشاذ اللي دارو سعد الدين العثماني اللي مكلف بتشكيل الحكومة البارح كان مع ادريس لشكر الكاتب الاول لحزب الاتحاد الاشتراكي للقوات الشعبية. هاد الحزب المحترم اللي شاف الذل مع هاد السيد بين باللي راه فشي شكل. باش خرج عوض يقول غادي نحشم على عراضي وما ندخلش للحكومة حقاش كنت حيلة وسباب وتوظفت باش نبلوكي الحكومة٬ وجه رسالتو للصحافيين وقال ليهم خاصكم تسهلو مهمة العثماني وبغى يحشي هدرة عوجا باش قال “إننا نكون في الحدث، ويخرج كلام عنه لا علاقة له بما قلناه”.

وشوفو قلة لحيا يالله سب بنكيران فاذاعة “ميد راديو” قال ان حزبه “سينخرط بشكل كامل مع السيد رئيس الحكومة المكلف من أجل إنجاح مهمته”.

واش جابو العثماني باش يقودها على المشهد السياسي واش جابوه باش يقبل يدخل الاتحاد الاشتراكي. هاد الحزب احسن ما يقدر يدير مراجعة لراسو زمن لشكر وقبل لشكر. حزب محتاجاه لبلاد ولكن خاصو يتحكم فراسو براسو