نزار بركة رد على تبون: الاتحاد المغربي بدون المغرب مآله الفشل وخيانة لشعوب المنطقة والمؤامرات ضد الصحراء ماغاديش تنجح
كود احمد الطيب ////
محمد حصاد وزير التربية الوطنية والتعليم ولى فهاد 120 يوم ديال حكومة ابن عرفة اشهر وزير. باش وصل وهو محرك. صحيح ان الدخول المدرسي كيبان فيه بزاف وزير التعليم ولكن هدا نسى هاداك الصنم اللي كان قبلو رشيد بلمختار.
شخصية حصاد مثيرة للجدل. حتى هو ابن تافراوت تزاد ف1952. بزاف دابا كيربطو بينو وبين منصبو الاخير وزيرا للداخلية. والصحيح ان السيد ما عندو علاقة بالداخلية. تقنوقراطي جا مع الحملة اللي بدات قبل سنوات من خلال فتح الباب امام خريجي المدارس العليا في فرنسا خاصة المهندسين منهم. السيد دخل وخدم فوزارة التجهيز بدا من مسؤول بفاس وداز لوزارة التجهيز قبل ما يولي اواسط الثمانينات مدير عام مكتب استغلال الموانئ اللي غادي يولي اسمو “مرسى”.
تعين وزيرا على التجهيز والتكوين المهني وكان واحد من هادوك 14 اللي عينهم الملك باش يفكرو فالمغرب وسماوهم مجموعة التفكير مع ناس امثال بنهيمة وحسن ابو ايوب ومصطفى التراب…..
بعد هاد الشي كولو ولى رئيس الخطوط الملكية المغربية وعاد خداتو الداخلية وعيناتو والي على مراكش ثم على طنجة ثم رئيسا على مجلس الرقابة للوكالة الخاصة طنجة- المتوسط” فوزيرا للداخلية فحكومة بنكيران معوضا محاند العنصر.
حصاد فكلشي هاد الشي كانت عندو قدرة كبيرة على ابداع حلول لمشاكل القطاع اللي كيسيرو. كيفاش نجح هاد الشخص فالتآقلم مع وضعيات مختلفة وعقليات مختلفة من الادارة من التسلط والرشوة والفساد والصرامة. “عندو قدرة كبيرة جدا علي ايونكيسي الضربات من الفوق =يمتص= باز كيفاش كيقدر يتعامل مع وضعيات غاية فالخطورة ويجاري اهواء عبثية ويقبل انتقادات قاسية” يشرح مسؤول حكومي اشتغل كثيرا معه ل”كود”.
حصاد اللي كيحاولو اللي ضدو فالتعليم يصوروه متسلط ماشي هاكاك يضيف مصدر “كود”. السيد ضريف ولكن كيخدم بزاف بزاف. اللي كيخلعهم هو انو كيخدم. كيحرك. فالداخلية هامش التحرك ماشي كبير فالتعليم مع ورش مفتوح كاين ما يدار. حقاش كلشي رايب.
منذ تعيينه ما خلى ما دار. جولات ولقاءات واعفاءات وزيارات مفاجئة وقرارات. هاد الشي ما غاديش يحدث ثورة فالتعليم ولكن زلزلو حركو وهاد الشي مهم كبداية لاصلاح ما فشل فيه جميع من سبقوه وما فشلت فيه الدولة بكل مؤسساتها من الفوق حتى التحت