كود فاس ////
عالام هاد وزراء الحركة الشعبية في حكومة بنكيران. ديما كيضحكو فيهم الناس وكيديرو ريوسهم قافزين. بعد مولات الكارتيي واللي باغية دخل بنت عائلتها ل”كاب 22″ الوزيرة المكلفة بالبيئة حكيمة الحيطي اللي خرجات عينيها وكالت باللي كتخدم 22 ساعة فالنهار جا ادريس مرون الوزير المنتدب المكلف بالتعمير من نفس الحزب وطلق اكثر منها.
كال حسب ما نقلته يومية “ليكونوميست” في لقاء بالمهندسين والطوبوغرافيين يوم اول امس الخميس بفاس بللي كيخدم 24 ساعة فالنهار. ماشي غير هاد الشي الوزير اللي ما كيعرفو حد قال باللي كون ما درتش الدراري بكري ما كيكونوش عندي دابا”.
امس الجمعة في لقاء للتوقيع على المخطط الجهوي للتنمية بفاس عاد رجع وكرر “كنكول ونعاون راه هاد الشي اللي كنجزوه خاصو خدمة ديال 24 ساعة.