كود سبور ///

تأكد الليلة باللي 3 لعابة من المنتخب المغربي لكرة القدم غاديين يلعبو نص نهاية عصبة الابطال الاوربية. البارح ضمن اشرف حكيمي مشاركتو فنص النهاية اللولى بعد ما ربحات باري سان جيرمان فبرشلونة البارصا ب4 لواحد.

حكيمي غادي يلعب مع “پي اس جي” نص نهاية الاولى ضد دورتموند الالماني اللي قصى نادي اتلتيكو مدريد.

اليوم لاربعا 17 ابريل 2024 تلعبو جوج ماتشات عن ربع نهاية الشامبيانز ليگ، الاولى بين فرقة٬ مدافع اخر للاسود نوصير مزراوي٬ بايرن ميونيخ وارسونال الانگيلزي. النادي الالماني ربح بواحد لزيرو فالروتور بعد ما كان تعادل بجوج لجوج فلندن.

مزراوي لعب اكثر من 70 دقيقة ودار ماتش واعر بحالو بحال حكيمي البارح مع فرقتو.

مزراوي غادي يلعب ضد فرقة كيلعب فيها مغربي اخر كيلعب فيها مهاجم الاسود ابراهيم دياز٬ وهو نادي ريال مدريد. الريال ربحات مانشيتر سيتي بالبيلانتيات بعد ما تعادلو فالذهاب ب3 ل3 وفالروتور فملعب الاتحاد بمانشيستر ب1 ل1.

دياز لعب فالشوط الثاني ودار ماتش مزيان مع فرقتو.

فهاد الماتشات تأكد باللي لاعب من لعابة المنتخب المغربي على الاقل غادي يكون فالفينال للي غادي يتلعب فلندن. اما مزراوي او دياز وطبعا ممكن يكون لعاب اخر هو اشرف حكيمي ايلى ربحو دورتموند الالماني