كود سبور//

أكد الدولي المغربي أشرف داري أن الأجواء داخل المنتخب الوطني المغربي جد إيجابية، وأن اللاعبين منسجمين مع الناخب الوطني وليد الركراكي والغاية من المعسكر هي تقديم أداء جيد فالمونديال وإسعاد المغاربة.

وبخصوص استعدادات المنتخب الوطني المغربي لمواجهة الباراغواي فالماتش الودي يوم غد الثلاثاء، أوضح أشرف داري فتصريح للموقع الرسمي ديال الجامعة الملكية المغربية لكرة: “عندنا المباراة الثانية أمام منتخب الباراغواي وحنا كنحضرو لها مزيان، وترينينا مزيان وكنطبقو التعليمات ديال المدرب”.

وواصل أشرف داري اللي قدم مباراة جيدة فالماتش الماضي ضد الشيلي وقال: “غندخلو أمام الباراغواي عازمين من أجل تقديم أداء جيد يرضي الجماهير المغربية، فالماتش الماضي أمام الشيلي المستوى ديالنا كان جيد لكن هذا لا يمنع أنه خاصنا نزيدو نخدمو، وغنفرحو المغاربة فالمونديال”.