وكالات //
كيحاول الكوايري جيرار بيكي باش يلقى حل مع صاحبتو السابقة النجمة العالمية شاكيرا اللي تفارق معاها، بخصوص حضانة ولادهم والأمور اللي مشتركة بيناتهم.
وقال جورنال “ماركا” الصبليوني، بللي اللعاب ديال البارصا تفارق مع صاحبتو الجديدة، باش يقدر يلقى حل مع شاكيرا، خصوصا الاتفاق على المكان اللي غادي يعيشو فيه ولادهم.
وتفارق بيكي مع شاكيرا بعد علاقة فاتت 11 لعام، وولدو فيها جوج وليدات، وهادشي بسباب مضاربة بيناتهم كاين اللي قال بللي ناضت على قبل الفلوس، وكاين اللي قال بسباب خيانة بيكي للمغنية الكولومبية.
و كيحاول بيكي يبرد السوق ويلقى حل مع شاكيرا اللي ناوية تدي ولادهم يعيشو معاها فميريكان، فالوقت اللي هو باغيهم يبقاو حداه فكاطالونيا.
