مصطفى المزابي- گود سطات //

رشيد البهلول الرايس ديال جماعة راس العين الشاوية باقليم سطات طلب من جماعة الدوار شي حويج باش يصاوب الطريق، ولكن رئيس المجلس الإقليمي والاعضاء ديالو تدخلو في الوقت المناسب واخا البهلول ضغط شوية على السلطات الإقليمية ورئاسة المجلس الإقليمي لي معقلوش عليه ومشاو مع رغبة الساكنة.

مصدر من الدوار كشف ل ” كود “، ان هاد الطريق لي تصايبت هي بمشيخة القوارشة والمسلك كيربط بين دوار الحماودة الى حدود مقبرة الحماودة المعروفة بالزويمر وتم فك العزلة على بزاف ديال الدواور بمشيخة القوارشة رغم ان رئيس الجماعة معجبوش الحال كان باغي تبقى هذه الطريق ممصوباش.

هاد طريق فيها كلمتر ونص والمعدات لي تصاوبت بها راها ديال المجلس الإقليمي والتوفنة شراوها محسنين والعام صبن رئيس الجماعة حيت كان بغى اعرقل هذه الخدمة .