وكالات //
نفات هدى، بنت الأديب المصري الراحل نجيب محفوظ، الأخبار اللي انتاشرت بخصوص تحويل سيرة باباها إلى عمل درامي من بطولة الممثل أحمد حلمي.
هدى نجيب محفوظ، قالت بللي ماكاين حتى مفاوضات بينها وبين المؤلف عبد الرحيم كمال، باش يحول سيرة والدها لعمل درامي، وهاد الخبار ماشي صحيحة.
بنت نجيب محفوظ قالت بللي مايمكنش يتقدم أي عمل على باباها حتى تكون هي موافقة عليه، وعلى تفاصيل الحكاية والأحداث اللي غتدوز لأنها هي اللي عاشتها وقريبة منها بزاف، زائد أن الأمر يتعلق بالوالد ديالها، الكاتب المصري المعروف واللي فايت ربح جائزة نوبل فالأدب عام 1988.
