وكالات //
علنات شركة “نتفليكس” على فيلمها الجديد اللي غادي يرجع الناس لجيل التسعينيات وكيف كانت الحياة فديك الفترة، واللي غادي يجمع مجموعة من الجيل الثاني ديال نجوم “بوليود” فديك الفترة.
الفيلم غادي يشارك فيه أكَاستيا ناندا حفيد أميتاب باتشان، وسوهانا خان بنت الكوبل شاروخان وكَوري خان، وخوشي كابور خت جانفي كابور وبنت الأسطورة شريديفي كابور.
الفيلم اللي سميتو “The Archies”، قالت عليه شركة “نتفليكس” أنها غادي ترجع بيه الناس لعالم التسعينيات، ولكن فأومبيونس جديدة، على حسب البيان اللي صدراتو “نتفليكس” بهاد المناسبة.
