كود – و م ع و سي ن ن//

القناة الإخبارية الأمريكية “سي إن إن”، قالت الجمعة، أن المغرب أول بلد فالقارة الإفريقية كينضم إلى نادي البلدان اللي عندها قطارات فائقة السرعة (تي جي في).

وأشارت القناة في نافذة “السفر” اللي كتسلط الضو على أهمية “تي جي في” فالجهود الدولية لمحاربة التغير المناخي إلى أن قطار البراق اللي كيربط بين طنجة المتوسط وكازا واللي تم تدشينو ف 2018، هو الأول والوحيد فإفريقيا.

واضاف المصدر ذاتو أن البراق، اللي كتبلغ تكلفتو حوالي 23 مليار درهم، سجل الرقم القياسي الإفريقي لسرعة القطارات، فالتجارب التقنية اللي تدارت ف 2017.

وكيندارج هاد المشروع الضخم فإطار المخطط المديري للخط الفائق السرعة اللي غادي يجهز شبكة بحوالي 1500 كيلومتر، مكون من المحور “الأطلسي” طنجة – الدار البيضاء – أكادير والمحور “المغاربي” الرباط – فاس – وجدة، كيربط بين طنجة-القنيطرة ف50 دقيقة بدلا من 3 ساعات و15 دقيقة، وطنجة-الرباط فساعة و20 دقيقة بدلا من 3 ساعات و45 دقيقة، وطنجة-الدار البيضاء فساعتين و10 دقائق بدلا من 4 ساعات و45 دقيقة.

https://www.cnn.com/travel/article/worlds-fastest-trains-cmd/index.html