اسماء غربي – كود//

من نهار تفركَعات قضية “حمزة مون بيبي” وسيمو بنبشير مسلطة عليه الاضواء حيت واحد من المشتبهين فيهم بالملف لي ولا قضية رأي عام.

وبعدما صدرات النيابة العامة مذكرة بحث على الصعيد الدولي في حقو، سيمو مادار حتى تعليق وبقى ضارب الطم وحتى العدالة ماعطات حتى شي ميزاجور لشنو دارو معاه، وفين وصلات مذكرة البحت عليه..

والبارح السب، فجرات الفنانة المغربية، سعيدة شرف مفاجأة كبيرة خلال الندوة اللي دارت فواحد من الاوطيلات ديال كازا، بعدما كشفات على سمية مسير حساب “حمزة مون بيبي”، حسب الملف ديال القضية.

وقالت سعيدة شرف فتصريحها: على ما ما فخباركش أنهم معترفين عليه انه هو صاحب الحساب، فالحكم فالملف قايلين أنه هو محمد بن بشير.

وقرات شرف داكشي  اللي جا فالمحضر وعرضات حتى نسخة منو فالندوة، وقالت: فضلا عن تأكيدهما أنهما على علم أن عائشة عياش قرصنت حساب سهام بادة الملقبة بسلطانة، وأن المتهمة دنيا بطمة تواصلت مع مسير الحساب بخصوص زوج سعيدة شرف، هذا علاوة على التصريح التمهيدي للمتهمة عايشة عياش التي أكدت علاقة المتهمتين المذكورتين وهما دنيا بطمة وابتسام بطمة، بمسير الحساب المذكور، المدعو محمد بن بشير.