أيوب الكعبي ضرب هاتريك على أستون فيلا وحط هو أولمبياكوس رجلهم الأولى فالفينال
عفراء علوي محمدي- كود//
تلاقا سفير إسرائيل فبلجيكا ولكسمبوركَ، ايمانويل ناشون، بنظيرو السفير المغربي فبلجيكا محمد عامر فمقر السفارة المغربية، لبارح الثلاثاء.
وفتويت ليه فهذ الإطار، قال ناشون أنه كيشكر السفير عامر على الترحيب ديالو الحار، وعلى المحادثة الزوينة اللي دارت بيناتهم، وأن هذشي “غيفتح الطريق أمام تعاون كثر وصداقة كثر”، حسب تعبيرو.
ولقاء عامر، المنتمي لحزب الاتحاد الاشتراكي للقوات الشعبية، مع نظيرو الإسرائيلي، ماشي شي حاجة جديدة على حزب عبر فمحطات كثيرة على دعمو للتطبيع مع إسرائيل وحل الدولتين، بالإضافة لعلاقة الحزب مع الاشتراكيين الإسرائيليين الضاربة في القدم من خمسينات القرن الماضي.
من ناحية ثانية، من غير المستبعد يكون هذ اللقاء بتعليمات من وزارة الخارجية اللي كتحث السفراء المغاربة باش يتلاقاو ديبلوماسيين إسرائيليين فنفس البلدان اللي تعينو فيها، ويتباحثو معاهم فإطار تعزيز العلاقات بين البلدين، كيف ما كان دار سفير المغرب لدى الأمم المتحدة عمر هلال، اللي احتفل مع نظيرو السفير الإسرائيلي جلعاد أردان بعيد حانوكا، وضواو الشمع ديالها بجوج.
J’ai eu l’honneur et le plaisir de rencontrer aujourd’hui S. E. l’ambassadeur Mohamed Ameur @AmbMarocBeLux . Merci Ambassadeur Ameur pour un accueil chaleureux et une conversation passionnante. Le début d’un chemin de coopération et d’amitié ! ????????????????@IsraelMFA @MarocDiplomatie pic.twitter.com/Im8x4w8Xoo
— Emmanuel Nahshon (@EmmanuelNahshon) February 2, 2021