كود كازا//
كشف مطار بروكسيل الجنوبي “شارلروا”، أن المغرب كيتعتبر ثاني أفضل وجهة عند البلجيكيين لقضاء العطل ديالهم.
وحسب البيان الصدر عن المطار، المغرب جا الثاني بعد اسبانياو، وتابعام فرنسا وإيطاليا والبرتغال.
من جهة خرى أكد المطار أن الحركة الجوية فظروف فيروس كورونا المستجد عرفات نوع من الانخفاظ، بحيث تراجعو عدد المسافرين العام اللي فات ب69 فالمية بالمقارنة مع 2019.
وفالصيف، فيوليوز وغشت، وصلات حركة الركاب ل35 فالمية بالمقارنة مع عام 2019، وفنونبر فالموجة الثانية للفيروس تحدد عدد المسافرين ف15 فالمية مقارنة مع قبل، وفنوييل كان تقدم طفيف طلع ل20 فالمية، حسب البيان نفسو.
