نجوى المالحي-كود//

خبر صادم آخر فهاد 2020، وهو وفاة الطفلة الرضيعة دينا، بنت الفنان أنس الباز ومراتو سارة، من بعد 3 أشهر على ولادتها.

وعلن على خبر وفاة بنت الممثل أنس الباز، صاحبو المقرب، فؤاد قرقيبو، لي كتب على حسابو في أنستكَرام: “بنت صديقي وأخي أنس الباز دينا توفات مسكينة، الله أكبر قلبي تيتقطع طراف”.

أنس الباز ومراتو لي مشهورة في مواقع التواصل ما نشرو حتى شي حاجة على الوفاة ديال بنتهم، ولحدود الساعة مازال ما معروفاش أسباب الوفاة.

وكان أنس الباز وسارة ولدو اول طفلة ليهم هادي 3 أشهر، واحتفلو بيها في عقيقة حضروها ليها ناس مقربين من العائلة، وشاركوا تفاصيل الحدث على حساباتهم على مواقع التواصل.