كود كازا//

تسجلات اليوم 3577 إصابة بكورونا فالمغرب، وهكذا وصل الإجمالي لـ182580، بمعدل إصابة ديال 502,8 لكل 100 ألف نسمة، و9,8 لكل 100 ألف نسمة فهاد 24 ساعة.

وحسب نشرة كوفيد19 اليومية اللي علنات عليها وزارة الصحة، اليوم الاربعاء، ماتو هاد النهار 52 شخص، ووصل الطوطال لـ3079، بنسبة فتك ديال 1,7 فالمية.

وبراو اليوم 2796 واحد، ووصل المجموع لـ151634، بنسبة تعافي ديال 83,1 فالمية.

بالنسبة للحالات النشطة فطلع عددها لـ27867، منها 625 فحالة خطيرة او حرجة.

و102 من الحالات الخطيرة تسجل غير فهاد 24 ساعة، و47 منها تحت التنفس الاصطناعي الاختراقي، و289 غير الاختراقي، ونسبة ملئ أسرة الإنعاش بلغات 27,2 فالمية.

واليوم تستبعدات 19325 حالة، ووصل مجموع الحالات السلبية 2924850.

وكتتوزع الإصابات والوفيات الجديدة على الجهات والأقاليم كما يلي:

وهذا المنحى الوبائي اليومي والاسبوعي:

وهذا منحنى الوفيات الاسبوعية: