29/04/2024 19:48
ملي بدا الحوار الاجتماعي.. عدد لي استفادو من تحسين الدخل فات 4 المليون وأخنوش وصف الاتفاق مع النقابات بـ “الحدث التاريخي”
عفراء علوي محمدي- كود//
حطات هبة أبوك، مرات اللاعب المغربي الدولي أشرف حكيمي، تصويرة ديال سين ففيلم إيطالي معروف سميتو “لا جيوفينيزا” ديال الممثلة “مادالينا كَينيا” كتعوم عريانة وحداها الممثلين “مايكل كاين” و”هارفي كيتل”، لكن الدمادم دأنستكَرام حسابليهم هي، وماخلاوش ليها بسبان.
المتخلفين طاكَاو حكيمي فالتعليقات على هذ الصورة، كيقولو ليه فيها “حكم مراتك”، و”طلقها شكاتسنا؟” و”رجع الزمر لدارهم”… وكاينة تعليقات أخرى كيهاجمو فيها هبة بشكل مباشر بحال “آش هذشي حشومة” و”آش هذ قلة الأدب هذشي بزاف”، بالإضافة لتعليقات تكفيرية وتهديدية كتهاجم الطرفين بجوج.
الهجوم اللي تلقاتو أبوك خلاها تديزاكتيفي التعليقات من هذ البيبليكاسيون، واخا التصويرة كانت باينة ديال فيلم وماشي ديالها، وبزاف فالتعليقات قالو هذ الكلام لكن المتخلفين راسهم حجرة ومابغاوش يتيقو، وأغلبهم بنات اللي عايرو السيدة وطالبو بطلاقها من حكيمي حيت “ماتسوى ما تصلاح”، وهذشي علاش كيقولو أن “عدوة المرأة هي المرأة”.
لكن نفترضو كَاع أن مولات التصويرة هي أبوك، راه ماشي من حق حتى شي حد يحاسبها أو يعايرها، حيت المرا فالأصل كتبقى كائن مستقل وحر فاختياراتو فقراراتو ولباسو والتصاور اللي يحط، وماشي سوق راجلها فيها تلبس أو تدير اللي بغات، حيت هي ماشي عالة عليه أو قاصر، وهو ماشي مالكها أو الوصي عليها.
