27/04/2024 20:00
مريض اسمه بودريقة! من آثار عملية قسطرة القلب التي أجراها رئيس الرجاء البيضاوي أنه صار يعيش في القرن الرابع عشر وفي عصر لم تخترع فيه الطائرات بعد
كود كازا ///
دابا هاد وزارة الصحة يوم على اليوم كتزيد كتحتاقر لمغاربة. تصورو شي وزارة فشي دولة كتعطي خبار عدد حالات الاصابة لكورونا فيروس لشي وكالة دولية. اييه دارتها وزارة لصحة اليوم وعطاتها لوكالة الانباء الفرنسية.
وزارة الصحة قالت ليهم باللي المغرب تسجل فيه 698 إصابة جديدة. هادا روكور ما عمرو تسجل فالمغرب من نهار دخلات فمارس اللي فات.
دابا ولينا كتقول وصلنا وكالة اجنبية 14.132 حالة واللي ماتو 234 واللي استرجع عافتيو بعد اصابتو بهاد الفيروس وصل ل9410. هاد الشي كتقول الوكالة بناء على ارقام وزارة الصحة.
دابا هاد التخربيق لاش. كيفاش وزارة تعطي ارقام كتهم لمغاربة للاجانب. كاينة وكالة الانباء الرسمية “لاماب” وقنوات عمومية علاش فضلات هاد الوكالة.
هاد الوزير عندو مشاكل فكلشي. تدبير القطاع والتواصل وفضايح الصفقات.
