نجوى المالحي-كود//
الممثلة المغربية مريم حسين لي مستقرة في دبي عزيز عليها الدراما. البارح بنتها ضربات راسها ملي كانت كتلعب وتفلقات وخرج ليها الدم.
مريم حطات فيديو في سناب كتبين فيه الدم خارج من راس بنتها، وملي جا الطبيب للدار أكد أنه جرح ومغاديش تحتاج تغرز.
بالتخلف ديالها، مريم حسين رجعات الواقعة للعين وقالت أنها كون مكانتش كتبينها في سناب كون ماقوسوش عليها الناس وماوقعش هادشي.
مانعرفت فوقاش الفنانة ديالنا غادي يوليو كيحمرو الوجه، وواعيين وفاهمين، عوض من هاد الرباعة لي مازال كيفسرو احداث ديال اليومي بالميتافيزيقيا بحالا مازالين عايشين في القرون الوسطى.
