كود – عن و م ع//

قال حسن عبيابة، وزير الثقافة والشباب والرياضة الناطق الرسمي باسم الحكومة، باللي هذ الدورة 26 ديال معرض الكتاب عرفات نجاح كبير، وجاو للمعرض مليون ونص ديال الزوار.

وزاد عبيابة، فالندوة الصحفية اللي دارت اليوم الأحد لاستعراض حصيلة المعرض، بللي زوار هذ الدورة كينتميو لمختلف الفئات العمرية والفكرية، وجاو من كازا وبرا كازا.

وقال بلي هذ الدورة شاركات فيها 266 مؤسسة، منها ثمان مؤسسات دستورية وست وزارات قطاعية وثلاث مؤسسات عمومية وسبع جامعات و12 سفارة وتمثيلية أجنبية، وكذلك 230 عارضا من المغرب والعالم العربي وإفريقيا وأوروبا وأمريكا وآسيا.

وقال بللي المعرض، اللي تنظم بين 6 و16 فبراير، جا ليه كذلك 15 وفد ديبلوماسي أجنبي ومجموعة من سفراء أمريكا اللاتينية، وهذشي خلا يكون فيه حوار ثقافي ثري على المستوى الإقليمي والدولي، وعزز الديبلوماسية الثقافية.

وبحكم أن هذ الدورة تنظمات على شرف موريتانيا، قال عبيابة بللي دولة المليون شاعر كان ليها حضور مهم وقوي، وقدمات عروض فاعلة ومتنوعة.

وللإشارة فهذ الدورة عرفات تميزات بعرض 120 ألف كتاب، وتنظيم 120 فعالية شارك فيها 380 متدخل 70 منهم من برا للمغرب، بالإضافة للأنشطة اللي نظماتها فعاليات أخرى وتجاوزات ألف نشاط.