أسماء غربي -كود//
المنشطة التلفزية كوثر بودراجة المعروفة ب kao كتوجد الجديد، والبارح سولات المتتبعين في انستكَرام على شكون هوما النساء لي بغاو يتعرفو عليهم كثر ولي تقدر تحاورهم.
أغلب التعاليق هزو الفيتو في وجه المؤثرات ولي بلوگوز لي على حسبهم كيبيعو الوهم وكيعيشو الافتراضي بلا قياس وما فيهم فائدة، وكوثر اكدات في الرد ديالها أنها مغاديش تجيبهم.
وكتبتات في ردها على واحد المعقلة “لاحظت أن بزاف بداو كيعيقو بالنصب، بنات اليوم قافزات وتأكدوا أنني مغاديش نعطيهم فرصة للظهور في المقدمة”.
كوثر لي هي وجه إعلاني ديال لامارك “yan and one”، وكتعامل كعارضة أزياء مع المحلات الفخمة ديال مجموعة “aksal” كان غبرات مدة طويلة بعد زواج والولادة ودابة قررات ترجع عن طريق الاعلام من جديد.
