محمود الرگيبي كود العيون //

ذاك شي لي قالتو “گود” من قبل وقع، حيث تم وبشكل رسمي تعيين عبد السلام بكرات واليا على جهة العيون الساقية الحمراء خلفا ليحضيه بوشعاب لي نشى فحالو وتعين والي على جهة درعة تافيلالت وعاملا على إقليم الراشدية.

عبد السلام بكرات كان سبقلوا خدم فالعيون فعهد الوالي السابق محمد اظريف فسنة 2008، وخدا تجربة فالمنطقة، وعرف الخصوصيات والحساسية لي فالصحرا، وبعدها خدا بزاف دالمناصب فالإدارة الترابية فالمغرب، واصبح من رجالات الداخلية لي كتعول عليهم، وصيفطاتو العيون باش يوقف على المشاريع والطفرة التنموية لي كتعيش على وقعها عاصمة الصحرا.

الوالي اجديد ديال العيون، حاصل على الدكتوراه في القانون العام، بالوظيفة العمومية سنة 1983 كمتصرف بوزارة الداخلية، والذي تدرج في عدة مناصب بالإدارة الترابية أبزها واليا على جهة مراكش تانسيفت الحوز، وحاليا واليا على جهة العيون الساقية الحمراء، و هو متزوج وأب لثلاثة أبناء، وهو حاصل على وسام العرش من درجة فارس.

واش هاد البروفيل غادي يصلاح اللي عوجو الوالي السابق بوشعاب يحضيه اللي كان قايد وولى سفير وطاح والي