كود يونس أفطيط///

كما أوردت “كود” سابقا، فإن ميناء طنجة يعرف شللا وبلوكاج كبير، بسبب التوافد الكبير للمهاجرين عليه من أجل العبور، وهادشي سبابو الحكومة لي مادارتش حلول استباقية واكتفت بالقول أن ميناء طنجة حطم رقم قياسي جديد فالوقت لي الناس بقات بايتة فالشوارع ومصالحها تضيع.

عشرات الالاف ديال لمغاربة بقاو حاصلين فطنجة، حقاش وقع ضغط كبير على الميناء بسباب أن المهاجرين دوزو عيد الاضحى وكولشي راجع فوقت واحد.

الحكومة واخا عندها الاحصائيات ماتحركاتش ودابا عاد صيفطو لجنة يوم أمس لاسبانيا باش يطلبو منها تخدم بالزربة، والصبليون ماغاديش يتصنتو للمغاربة حقاش عندهوم قوانين كينضابطو ليها وماشي سوقهوم ان لمغاربة مادايرينش خدمتهوم.