​أيوب الطنطاوي-كود//

انتاشر مقطع فيديو على مواقع التواصل الإجتماعي، كيوثق لهجوم رجل بشكل عنيف على طليقتو، بواسطة سلاح أبيض داخل وكالة لصرف الأموال فالشارع العام بمدينة العرائش.

وكيبان فالفيديو محاولة فرار الطليقة للإختباء من زوجها السابق المعتدي، وهو وراها وفنيتو يذبحها كون ما تدخلو مجموعة مواطنين فاللحظة الأخيرة .

والزوج كيما كشفات مصادر إعلامية، الي كان مهاجر سابق  بإسبانيا وخدام دابا كسائق سيارة أجرة، على خلاف مع الطليقة ديالو حول النفقة  ، الي كتخص أبنائهم الخمسة ولي وصلو فيها للمحكمة .

والضحية الأربعينية بعد الإعتداء وضعات شكاية عند مصالح الأمن بمدينة العرائش مباشرة بعد الإعتداء الشنيع، ومزال كيقلبو على الطليق المعتدي لي بعدما حبسوه الناس هرب لوجهة غير معلومة، الأمر لي معيش الضحية فخوف كبير من تكرار نفس السيناريو .