كود : يونس أفطيط///

عرفت مدينة سان سيباستيان بإقليم الباسط يوم أمس الاحد، وفاة مغربي داخل منزله، بعدما إقتحمته الشرطة وحاولت إعتقاله بالقوة ليلقى حتفه أثناء الاعتقال.

بوليس الصبليون قال أن الهالك كان محشش، وبغا يهاجمهم ويضربهوم ملي بغاو يعتاقلوه، وهادشي باين غير كذوب باش يسترو الملف حقاش لي كيضربو لحشيش عارفين أنه ماكيديرش الزعامة بحال المخدرات القوية.

البوليس أضاف أن الاقتحام كان بسبب عراك وقع بين مول الدار وبين المغربي لي كيكري عليه، والبوليس جا باش يعتاقلو لكنه قاومهم وبغا يضربهوم هادشي خلاهوم يعتاقلوه بالقوة الامر الذي أدى إلى وفاته بسكتة قلبية.

هادشي كولو تخربيق حقاش بوليس الصبليون كيتعامل مع لمغاربة بواحد العنصرية كبيرة ويلا تفتح تحقيق فهاد القضية غادي يبان أن بوليس دالصبليون تعداو على المغربي وعندهوم يد فموتو، ولكن للاسف التحقيق ماغاديش يتفتح حقاش سفارة المغرب ماعندهاش مشكل يتقتلوا لمغاربة، غاتبقى ناعسة اللهم يلا بان شي فيديو وناضت عليه الروينة فالمغرب ديك ساعات غاتحرك سفارة المغرب فإسبانيا.