كود مصطفى الشاذلي عن ماركا/////

هدف تاريخي للاعب اسطوري. هاد الشي اللي وقع البارح فطورينو فماتش اليوفي وريال مدريد فربع نهاية عصبة ابطال اوربا ذهاب. رونالدو نجم الريال سجل فالدقيقة 62 هدف غادي يبقى فتاريخ هاد البطولة.

رونالدو باش سالى الماتش سولوه على هاد الهدف. وكيف قالت “ماركا” فالنجم البرتغالي قال باللي ما كانش يتسنى يماركي بحال هاد الگول ” واضاف باللي المهم هو فرقتو ربحات ب3 ولعبو ماتش مزيان وهاد الشي مخليه فرحان. لكن المثير فهاد الهدف التاريخي هو ان جمهور اليوفي صفق عليه.

رونالدو قال٬ وفق ماركا٬ “كانت لحظة مثيرة رائعة. بغيت نشكر جمهور اليوفي على هاد التصرف. ما قامو بيه اكثر من رائع واللي ما عمرني عشتو فمسيرتي كلها. راني فرحان بزاف بزاف.

اليگري مدرب اليوفي للي حتى هو صفق للهدف بحالو بحال الحارس الاسطورة بوفون شرح بعد الماتش علاش دار هاداك الشي “باش يكون شي جيست كبير بحال الهدف ديال كريستيانو٬ خاصنا نصفقو”. زيدان اللي كان فوق فيگيگ بالفرحة قال باللي “خاص ريال مدريد كلها تكون فرحانة حقاش عندها كريستيانو”