المجلس الجماعي للعيون صادق فدورتو على 43 نقطة همت مجال الخدمات وتجويد مناخ الأعمال فالمدينة
كود احمد الطيب ////
الملك محمد السادس اعلن اليوم في افتتاح الدورة الخريفية للبرلمان عن احداث وزارة منتدبة في الخارجية مكلفة بافريقيا. هاد المنصب دابا كديرو بشكل من الاشكال مونية بوستة كاتبة الدولة في الخارجية مكلفة بالتعاون الدولي. هي اللي مكلفة بشي مشروع ديال تتبع مشاريع دشنها الملك في افريقيا او الاتفاقيات التي وقعها المغرب وفين وصلات واش من مشاكل فيها وووو. هنا كانت هاديك لفضيحة ديال عطاو ل”فاليانس” الفرنسية ففرعها المغربي باش تصايب تقارير بصفقة فيها 300 مليون سنتيم.
مونية بوستة مرشحة حقاش كدير هاد الخدمة وحقاش مفاهمة مع ناصر بوريطة وزير الخارجية والتعاون الدولي.
لكن المشكل ان المغرب غالبا ما كيجيبو العائلة والصحاب فمناصب بحال هادي. الباطرونا ومنهم مريم بنصالح كيعجبهم بحال هاد البوسط. ايلى خداوه مشكلة حقاش ما عندو معنى والسياسة كتضرب اكثر من ما هي مضروبة.
لفضيحة لكبيرة هي ايلى عطاو هاد المنصب لهاداك برا كاسي ولد الجينرال مثقال اللي عاطينو بدون اي استحقاق وبدون اي منطق سفير مدير الوكالة المغربية للتعاون الدولي.
هاد المنصب خاصو اما بروفيل بوستة مونية اللي عندها مع الاقتصاد او شي حد من الخارجية شي مرا من الخارجية قافزة. خاص تاخد المنصب على ذراعها ما يجيبوش الصحاب لحباب. الاكيد ان ابن عرفة فهاد الفيلم كولو غير كومبارس حتى حد ما يديها فيه