عفراء علوي محمدي- كود//

خدات 4 ديال الجامعات المغربية مراكز متقدمة من بين أحسن 500 جامعة فالعالم فتخصص الفيزيك.

وهذشي حسب تصنيف “شانكَاي” الأكاديمي للجامعات العالمية فيما يخص المواد الدراسية، Global ranking of academic subjects، برسم سنة 2021.

وجات جامعة محمد الأول فوجدة فالرتبة الأولى فالمراكز ال300 عالميا، تابعاها جامعة محمد الخامس بالرباط، وجامعة الحسن الثاني فكازا، ثم جامعة القاضي عياض.

والمغرب جا فالفيزيك فالرتبة الأولى عربيا ومغاربيا، بينما السعودية جات فالمركز الثاني بجوج جامعات، والقطر فالمركز الثالث بجامعة وجدة فهذ التصنيف.

وعلى المستوى الإفريقي، جنوب إفريقيا هي الدولة الوحيدة اللي كاينة فالتصنيف مع المغرب، وحتى هي تكلاصات ب4 جامعات.

لكن المغرب كان غائب فالتصنيف العالمي للجامعات بشكل عام، كيف غاب فتصنيفات باقي المواد الدراسية من غير الفيزيك.

http://www.shanghairanking.com/rankings/gras/2021/RS0102