29/04/2024 07:43
واش يبقى ولا يستاقل. اليوم يتحدد مصير رئيس الحكومة الصبليوني. خدا ويكاند باش ياخد قرارو بعد اتهام مراتو بالفساد
عفراء علوي محمدي- كود//
حكمات المحكمة الابتدائية الزجرية فعين السبع فكازا على الصحافيين عمر الراضي وعماد استيتو ب3 شهور ديال الحبس موقوفة التنفيذ، بتهمة “السكر العلني البين”.
وكتنضاف هذ العقوبة على6 سنوات نافذة اللي تضرب بيها الراضي بتهم الاغتصاب وهتك العرض بالعنف والتخابر مع جهات أجنبية، وعام ديال الحبس (منو 6 شهور موقوفة التنفيذ) اللي تعطات لاستيتو بتهم عدم التبليغ بجناية وعدم مساعدة شخص في خطر.
وهذ الأحكام تصدرات فحق الصحفيين بلا ماتسمع ليهم المحكمة.
وحيثيات هذ القضية كتعود للعام اللي فات، فاش دابزو الراضي واستيتو مع مصورين فموقع إلكتروني، حيت صوروهم بلا موافقتهم، وهذ المصورين كانو تدانو بشهراين ديال الحبس موقوفة التنفيذ بسباب هذشي.
