كود اسماء غربي ////

لمغاربة مادينها فالانتخابات ومخليين “كوب 22”. هادي مدة ورباعة كبيرة كيتسكع فنيويورك. كنهدر على رباعة التواصل اللي مشاو ومعاهم سيدة من الوكالة المحظوظة اللي ربحات الصفقة واللي ما فيدهمش. دابا هاد الرباعة اش حاضية. البنت ديال الوكالة ما عندها علاقة بخدمتها عاطينها قاعدة بيانات وكترسل للصحافيين كيفما اتفق. المشكل مشاو معانا ناس ما عندهم علاقة. واحد الزقزاقة الغبية حاضية غير التصاور وتنشرهم فالفايس. كيفاش تخلي سميرة سيطايل بعد فضيحة سرقة “شعار الكوب” من حزب فرنسي٬ تسمح لهاد العينة تمشي للنيويورك وبفلوس الدولة عايشين مفطحين دايرين. اللي كينشر ليهم هي لاماب ودوزيم طبعا بزز منها.

هاد الحدث طلع ليهم فالصو اعلاميا ولكن هما ما سوقهمش. اللي محزم بالرعاوين الفاشلين فخدمتهم هاد الشي اللي يحصد. الكارثة ان شي رعاويين كيوعدو شي صحف يعطيوها الاشهار. شوفو كيفاش كيقنعو الناس ينشرو ليهم تخربيقهم