عفراء علوي محمدي- كود//

انتحر وزير المالية المحلي فبلدية هيلس الألمانية، طوماس شيفر، لبارح السبت، غير بكثرة التخمام والفقايص بسباب جائحة فيروس “كورونا” اللي دمرات الاقتصاد الألماني والعالمي.

الوزير الأول، فولكر بوفيير، علن على هذ الخبر فتصريح ليه، وقال بللي لقاوه ميت قريب لواحد السكة حديدية، وبللي السلطات رجحات بشكل كبير أن سبب الوفاة يكون هو الانتحار وماشي حاجة أخرى.

الوزير اللي عندو جوج وليدات، وعندو 54 عام فعمرو، كان مسؤول على المالية هذي عشر سنين فهذ البلدية، وفالأيام الأخيرة مع ظهور الفيروس كان كيخدم ليل ونهار باش يعاون الأجراء والمقاولات فهذ المنطقة ويتجنب يوقعو خسائر كبيرة فالاقتصاد، وكان كيبان “مقلق بزاف ومصدوم”، كيف قال الوزير الأول الألماني.