غير الدقايقية كيف كيبان فالصورة راهم كثار.
الغريب انو تخاد قرار باش يمشيو عندهم ويديرو المعاينة ويستامعو ليهم ديك الليلة ماشي حتى الغد٬ ولكن دخلات التلفونات وكلشي تعطل. دابا ماشي غير الجينرال حرمو باطرون الجدرامية= اللي تابعة ليها المنطقة= اللي خاصو يفتح تحقيق٬ بل خاص كذلك القضاء فشخص رئيس النيابة العامة. اولا تجمع المعطيات على كاع التفاصيل على العراسية ومن بعد اللي فرط يكرط.
هما صحاب العرس كيقولو فرحانين باللي عندهم صحابهم فالقضاء فالنيابة العامة.
حنا كتبنا ف”كود” خبارات ديال عراس فمدن اخرى دخلات السلطات ووقفاتهم حقاش خرقو حالة الطوارئ الصحية. هاد الشي غير باش كانت هاديك حالة الطوارئ مخففة شوية. اما دابا فالحكومة فكانت من هاد 7 من هاد الشهر شتنبر تاخدات ما سمته “مجموعة من التدابير لتطويق رقعة انتشار” كورونا ڤيروس فكازا. فيه “إغلاق جميع منافذ عمالة الدارالبيضاء” و”إخضاع التنقل من وإليها لرخصة استثنائية للتنقل مسلمة من طرف السلطات المحلية” و”إغلاق جميع المؤسسات التعليمية، من ابتدائي وإعدادي وثانوي وجامعي، واعتماد صيغة التعليم عن بعد، ابتداء من يوم الاثنين 7 شتنبر الجاري” و”إغلاق أسواق القرب على الساعة الثالثة زوالا” و”إغلاق المقاهي والمحلات التجارية على الساعة الثامنة مساء، والمطاعم على الساعة التاسعة ليلا” و”إقرار حظر التنقل الليلي بجميع أرجاء تراب العمالة، من الساعة العاشرة ليلا إلى الساعة الخامسة صباحا” طبعا الاستثناء كان “الأطر الصحية والأمنية، والعاملين بالقطاعات الحيوية والحساسة، وقطاع نقل السلع والبضائع، شريطة توفرهم على ما يثبت عملهم الليلي”
طبعا فحالة الطوارئ الصحية راه اصلا لعراسات والتجمعات ممنوعة. دابا الحكومة تقرر اللي بغات ولملايرية فوق القانون. واحد منهم عندو سوابق وهدد بالتصفية ناشر “كود” واعتارف فمحاضر رسمية بهاد الشي وناضت النيابة العامة تابعاتو فحالة سراح. بلا ما نهدرو على انو ما تابعش جنايات. صحافي اتهم من قبل ولد او بنت بالاغتصاب نفس النيابة العامة كتباعدو فحالة اعتقال. غير اتهام بلا تسجيل بلا اعتراف. شفتو هادي عدالة دارت للملايرية.
الملايرية نخرقو القانون ونعرسو ونحتافلو بحال زمن الجايحة بحال قبل واللي قدر يقرب منا. هادي هي رسالتهم
دابة خاص يتفتح تحقيق لتحديد المسؤوليات وترتيب الجزاءات والفيديوهات خير دليل على تورط مسؤولين في غض الطرف سبحان الله البارح شدوا مواطنين لانهم تأخروا في الدخول لبيوتهم وقدومهم للنيابة العامة في حين النشاط والقصارة تيحميهم رعاة الفساد