كود اكادير ////

واش اعتقال نجل طارق القباج عمدة اكادير السابق في مطار المسيرة باكادير اثناء انتقاله الى مطار الداخلة لقضاء نهاية السنة بسبب طريفة ديال الحشيش بريء ولا وراء جهات باغية تنتقم من العمدة السابق واللي دوزو على اقوياء هاد البلاد لانه كان كيطبق القانون. التساؤل علاش حقاش لخبار خرجات فيساع وايميلات ما معروفاتش تولات ارسالها. ف”كود” وصلاتنا ايميلات من وحدين ما كنعرفوهمش. طبعا الصحافي اللي نشر الخبر تصل وتأكد من مصادر امنية محلية قبل نشره. هاد الشي علاش الواحد يشك. طريفة الحشيش ما تستحقش كلشي هاد الصداع.

البوليس اللي شدوه فالمطار طبقو القانون حقاش الحيازة ديال لحشيش سواء للاستهلاك او غيره يعطيه القانون اعتقالك. واخا غادية تجيكم غريبة كيفاش دولة من اكبر المنتجين فالعالم فالحشيش البوليس يقدر يشدك على طريفة. هاد الشي اللي عطى الله. ولكن بعد التوقيف غادي يمثل امام وكيل الملك وغادي يطلقو ولكن الشوهة والتشهير هي اللي تخلي الواحد يسول واش هاد الشي ما حركو حد. القباج قلق بزاف عليه ومنهم شخصيات كتحكم فهاد لبلاد وما غادينش ينساوها ليه.