كود سبور//

أكد مدرب كندا جون هيردمان بلي الجمهور المغربي من نقاط قوة المنتخب الوطني المغربي، وقال بلي غادي يتمتع بالحضور ديالو فالماتش ديال غدا الخميس ما بين المغرب وكندا فالجولة الثالثة من كأس العالم قطر 2022، وغادي يكون ماتش مت بين اللعابا وماتش ما بين الجمهور المغربي والكندي.

جون هيردمان عبر على الإعجاب ديالو بالمشجعين المغاربة، وقال فالندوة الصحافية اللي كتسبق ماتش المغرب وكندا: “غادي نتمتعو بحضور الجمهور المغربي اللي غادي يكون فالتيران بالألاف، وعلى قبل هاد اللحظات كنبغيو نجيو نلعبو المونديال”.

وكمل المدرب الكندي كلامو وقال: “حتى حنا عندنا جمهور زوين وشجعنا ضد بلجيكا وكرواتيا حتى آخر اللحظات، وغادي يكون ماتش ما بين اللعابا وماتش فالمدرجات ما بين الجمهور المغربي الكندي”.