كود – كازا ///

استمعات السلطات المحلية في مدينة شفشاون، لـ5 ديال السياح الأستراليين بسباب ارتداء تي شيرتات فيها خريطة المغرب بلا أقاليم الصحرا. وهي الواقعة اللي أثارت شكوك السلطات حول الدوافع والنوايا وراء هاذ الفعل.

وحسب تقارير إخبارية، قدمو السياح الأستراليين اللي جاو من طنجة ف إطار جولة سياحية، (قدمو) الاعتذار ديالهم عن الخطأ غير المقصود. وقالو للسلطات أنهم طبعو الخريطة المشوهة من أحد المواقع العالمية وبللي معندهمش سوء النية في تعديل الخريطة الرسمية للمغرب بهاذاك الشكل..