هناء ابو علي-كود//
الجزاير كلها مصدومة بسبب فيديو ديال عنف داروه البوليس ضد مشجع كرة ، الفيديو ديال هاد العنف انتشر بزاف ف الفايسبوك وكايبان فيه عناصر البوليس سلخو مزيان هاد المشجع.
مديرية البوليس ردات وقالت انها فتحت تحقيق وقالت ان عناصر البوليس دارو سلوك غير لائق و غادي يتخدو الاجراءات المناسبة.
هادشي وقع اثناء شغب ف ملعب 5 جويلية ف العاصمة بين جمهور مولودية الجزاير و اتحاد بلعباس و اللي خلف اصابة 18 بوليسي 4 منهم ف حالة خطيرة واعتقال 42 مشجع.
الاعلام الحزايري الرسمي باش يغطي على صدمة الناس من كمية العنف الكبيرة اللي بانت ف الفيديو دار روبرتاجات على البوليس المجروحين ف السبيطارات .
