02/05/2024 16:45
مباحثات بين المغرب والنيجر فاجتماع مجلس وزراء خارجية منظمة التعاون الإسلامي
كود سبور//
مكرفصين نهضة بركان فمطار هواري بومدين فالجزائر، بسبب اعتداء السلطات الجزائرية على بعثة الفريق المغربي، اللي مشى للجزائر العاصمة باش يلعب مع اتحاد العاصمة دومي فينال كاس الكونفدرالية.
وحسب مصادر مطلعة، فبعثة نهضة بركان متشبثين بأنهم يلعبو الماتش مع اتحاد العاصمة بالتوني ديال الفريق وعليه خريطة المغرب كاملة، وگالسين فالمطار حتى ياخدو التونيات اللي حجزو عليها الديوانا فالمطار بتعليمات من الكابرانات.
ادارة نهضة بركان رافضين بشكل قاطع يتنازلو عن حقهم، وما بغاوش مقترح سلطات شنقريحة وتبون بأنهم يضرگو خريطة المغرب اللي فالتوني باش يعطيوهم التونيات، وكيراسلو الاتحاد الافريقي لكرة القدم باش يتدخل.
معاناة كبيرة كيعيشوها نهضة بركان فمطار هواري بومدين فالعاصمة الجزائرية بسبب قصوحية راس الكابرانات، اللي محتاجزين الفريق ساعات هادي، واضطرت ادارة النادي لتوفير سوندويتشات للاعبين والأطقم ديال النادي باش يتغداو.
