هناء ابوعلي – كود//
ليلة شاخدة عاشوها الممثلين والفنانين والمغنيين البارح في الليل مع الماكيوز صونيا النكادي لي دارت حفلة قدها قد السخط لولدها يوري باش طهرو.
الشطيح والرديح مابغاه حتى واحد. ما كاين غير قفطاني من قفطانك، وصاكي من صاكك، والزاز والتفركيس، لا رجال لا عيالات.
الطهارة دارتها صونيا بحال شي عرس أسطوري، القاعة قد سخط وتريتور والدقة المراكشية، والصويري والرباطي، وزيد عليهم النجوم بحال مول البندير والراقصة نور، وأحلام الزعيمي واليستا طويلة.
شي وحدين ماعجبهمش شنو دارت صونيا، وشبعو فيها سبان في الايف لي كانت دايرة. قالو ليها حشومة هادشي والناس يالله ماتو في التران.
المهم القصارة بقات حتال الفجر، وماكين غير شطح وردح.
