وكالات//

بعدما وقفات لمدة 4 سنيبن، رجعات ميغان ماركل، مرات الأمير ديال بريطانيا “هاري” لإنستغرام، وبدات كتروج لمحتوى جديد.

وفي أول بوسط ديالها، كشفات ميغان ماركل على الماركة الجديدة ديالها لي غادي تكون ف إنستغرام ولي غادي تكون على فن الحياة والطبخ.

وبعد ساعات قليلة فقط منين حلات الكونط ديالها وصل عدد المتتبعين ديالها لأكثر من 300 ألف متابع.

ومن نهار خرجات من العائلة المالكة دارت ماركل مع راجلها الأمير هاري بزاف ديال المشاريع، بحال العقد ديالهم مع “نتفلكس” بقيمة 100 مليون دولار، وعقد “سبوتفاي” بقيمة 20 مليون دولار، ولي سالا فعام 2023، ومذكرات هاري الأكثر مبيعا فعام 2023 لي كان العنوان ديالها هو “الاحتياطي” (Spare).