وكالات//

علنات وزارة الخارجية ديال ميريكان أنها غادي تعطي واحد المكافأة ديال 10 دالمليون ديال الدولار (أكثر من 10 دالمليار مغربية) لأي واحد عطاها معلومات على واحد الكروب ديال الهاكرز سميتهوم “بلاك كات” ولا “المشة الحلة”.

هاد المجموعة لي فيها بزاف ديال الهاكرز خطيرين حمقو الحكومة ديال ميريكان بعدما ختارقو بزاف ديال المؤسسات الحساسة في البلاد ومقدروش نهائيا أنهم يوصلو ليهم.

وتسببات هاد الهجمات ديال هاد الهاكرز ف أنه يوقفو كاع الخدمات ديال واحد الشركة ميريكانية سميتها يونايتد هيلث، لي متخصصة في التأمين الصحي.

وعلى حساب ماقالت الحكومة ديال مريكان فهاد الهجمات تسببو فخسائر مالية كبيرة للدولة، واثرات على أكثر من 30 مليون واحد من أنه يوصل لهاد الخدمات الطبية والتأمينية.