كريم الشركي – كود //

ارهابي مغربي محكوم فبلجيكا ب12 عام دالحبس، بقوة الخوف من طردو وسحب الجنسية منو، كان غايذبح موظفة فالحبس.

وحسب وسائل اعلام بلجيكية فالمغربي حسن الحمداوي كان ف 2009 كيخطط لهجمات خايبة فبلجيكا، كتستهدف مواقع حيوية، وملي كتاشفات السلطات هادشي بدات كتحاكمو وهرب لسوريا هو وخوتوا، لكنه رجع سنة 2013 بعدما ماتوا خوتوا وتحكم عليه ف2014  ب12 عام دالحبس.

هاد المغربي لي كان باغي يقتل البلجيكيين و كيكفّر كلشي تما، دابا رجع ماباغيش يحيدو لو الجنسية ويجرّيو عليه، وهادشي خلاه يرجع عصبي ومن النتائج أنه كان غايقتل الموظفة لي ضربها بمقص فعنقها وكان غايذبحها قبل ما ينقذوها الموظفين.