الراپ كيدخل للبنيقة. كيفاش اغنية توصل جوج راپورات للحبس وسلفي هدد بحرب اهلية وامام كفر الاحزاب ما هدر معاه حد
الوالي الزاز -كود- العيون////
ألغت رئاسة مجلس الأمن الدولي ممثلةً بدولة مالطا التي ترأس المجلس في شهر أبريل، الندوة الصحافية المقررة بعد جلسة المجلس حول الصحراء، مساء اليوم الثلاثاء 16 أبريل 2024.
وكان مقرر أن ممثلة مالطا رئيس مجلس الأمن الدولي، فانيسا فرايزر، غادي تقدم إحاطة لوسائل الإعلام من بعد الجلسة، باش تخبر وسائل الإعلام بداكشي اللي دار فالجلسة والموقف ديال مجلس الأمن وشنو قال ليهم المبعوث الشخصي لنزاع الصحراء، ستافان دي ميستورا، ورئيس بعثة الأمم المتحدة في الصحراء “مينورسو”، الروسي ألكسندر إيفانكو فالجلسة، ولكن تم إلغاء التصريح.
هاد التكتم ممكن يكون بطلب من طرف المبعوث الشخصي للأمين العام للأمم المتحدة لنزاع الصحراء، ستافان دي ميستورا، واللي اعتاد أنه يبعد على الإعلام ويعتامد الصمت اللي كيعتابر أنه يسمح له باش يخدم بأربحية على النزاع.
وهاد الصمت ديال مجلس الأمن الدولي اليوم هو استمرارية أيضا، للصمت ديال الأمين العام للأمم المتحدة، أنطونيو گوتيريش، والمتحدثين الرسميين باسمه بحال ستيفان دوجاريك وفرحان حق، وخاصة ستيفان دوجاريك اللي التازم الصمت فمحطات عدة ديال النزاع وآخرها زيارة دي ميستورا للمغرب وموريتانيا قبل أيام، وما بغاش يعلق عليها ولا يخبر الإعلام بيها، بالإضافة إلى أن الإحاطة اللي قدم اليوم الثلاثاء قبل إنعقاد الجلسة أيضا، غاب عنها نزاع الصحراء على غير العادة بحكم أن الأمم المتحدة مولفة تعطي نبذة على الملفات اللي كيناقش مجلس الأمن كل نهار.
كيبقى التذكير أن المبعوث الشخصي ستافان دي ميستورا بان خارج بعد الجلسة ووقف سلم على ممثل البوليساريو فنيويورك، سيدي عمار، برا الجلسة حدا البلاصة المخصصة للإحاطة الصحافية.