سامي العلوي – گود برشيد //
بدعة الرقاة خاص يتوضع ليها حد في هاد البلاد حيت راه ميمكنش كل مرة نسمعو بحال هاد المرضى كيغتاصبو في بنات الناس باسم الرقية الشرعية حيت هاد الشي راه ماشي شرعي ومكيعجبش نبقاو نسمعو بالاغتصابات والاعتداءات الجنسبة.
وفي هذا السياق كشف مصدر “گود”، انو واحد الراقي فمدينة برشيد اغتصب واحد البنت باقى صغير واستغل الخلوة ديالو معها وضعفها حيت كتعاني من شي مرض ناذر.
النيابة العامة بالمحكمة الابتدائية ديال برشيد،ونظراً لعدم الاختصاص ديالها راه حالت الملف على الوكيل العام للملك بمحكمة الاستئناف بسطات للتحقيق في هاد الفيلم ديال هاد الراقي البليد.
وعلى حساب معرفت “گود” من المصادر ديالها راه قال لواليديها خص يختلي بها ويسد الباب حيت الطقوس ديال الجن هكا دايرا، وان الجنون هما لي كيطلبو منو هاد الشي، واحد المرة طلب يمشي لدارهم فجماعة الفقرة حدا برشيد.
ومن بعد ما افتض البكارة ديالها بقى كيمارس عليها الكبت ديالو بزاف ديال المرات حتى اكتشافو دار السيدة انها حاملة، هي فاش مشاو للنيابة العامة وحركات المتابعة في هاد الشي ودابا راه الابحاث والتحقيقات خدامة .
